[品味人間] 應該好多人都知道大埔有間"蜆勁村", 品質高, 服務可, 選擇多, 價錢抵! 雖然地方較迫, 又有點嘈, 同埋都幾難搵, 但以上優點, 都應該可以蓋過哂呢! 我耐不耐都會去呢度食晚飯, 不過一定要book 位!! 因為唔係好多個位, 同埋真係幾 full 呀!
其中一次就食左下面呢D食物.
油甲，好好肉地又多汁，個味一流，勁惹味！佢地係逐粒去沙的, 好欣賞! 呢個係其中一個 signature dishes!
同行者一定要食菜, 選了腐乳椰菜，濃淡適宜，菜仲幾甜！
蒜蓉麫豉蒸扇貝，好入味，又巨型！正！
食咁多海鮮, 都要食返D肉類啦. 要左個佢地推介的客家惹味雞，超大份量！！半隻都咁多....飽到呢....! 件件都香滑非常！不過就真係油左少許.
今次無生蠔, 改叫薑蔥蠔，個汁送飯，—絕！蠔大小剛好，又新鮮！不過個賣相有待改善...哈哈!!
唔係時常有的白灼象拔蚌，勁爽口彈牙！好新鮮清甜！
4個人食, 位位大約 HKD300.
溫馨提示, 佢係有進食時限的, 90min.
Search